• Աշխատանքային պայմանագիրը կնքվում է 2 օրինակից, որոնցից մեկը աշխատողի համար է, իսկ մյուսը՝ գործատուի:
• 2026 թվականի հունվարի 1-ից բոլոր աշխատանքային պայմանագրերը կնքվում են բացառապես էլեկտրոնային հարթակում՝ էրեկտրոնային ստորագրությամբ։
• Աշխատանքային պայմանագիրը աշխատողը կարող է տեսնել և ստորագրել՝ «ԵսԵմ» նույնականացման համակարգով մուտք գործելով ՀՀ պետական եկամուտների ֆիզիկական անձանձ էլեկտորնային հարթակ (self-portal.taxservice.am)՝ «Աշխատանքային պայմանագրեր» բաժին։
  

Աշխատանքային պայմանագիրը անհրաժեշտ է կնքել գործատուի և աշխատողի իրավունքները պաշտպանելու համար։ Այդ իսկ պատճառով անչափ կարևոր է մանրամասն ուսումնասիրել այն աշխատանքի ընդունվելուց առաջ՝ խնդրահարույց իրավիճակներում անհամաձայնություններից խուսափելու համար։

Որպես կանոն աշխատանքային պայմանագիր կնքելու համար գործատուն քեզանից կխնդրի ներկայացնել․

• անձնագիր կամ նույնականացման քարտ,
• բանկային հաշվի տվյալներ (որոշ դեպքերում գործատուն է աջակցում այս հարցում և համագործակցող բանկի միջոցով տրամադրում է բանկային քարտ՝ հոգալով քարտի սպասարկման հետ կապված տարեկան վճարները),
• դիպլոմ (ըստ գործատուի ցանկության),
• տեղեկանք առողջական վիճակի մասին (ըստ գործատուի ցանկության):
  
  

Գործատուն կարող է խնդրել նաև ներկայացնել այլ փաստաթղթեր` բնութագիր, երաշխավորագիր, հավաստագրեր, տեղեկանք նախորդ աշխատավարձի մասին և այլն։

Պայմանագիրը պետք է ներառի հետևյալ բաժինները.

• կողմերի տվյալները (անուն, հասցե, անձնագրային տվյալներ),
• պայմանագրի առարկան (մատուցվող ծառայության նկարագրությունը),
• կողմերի իրավունքներն ու պարտականությունները,
• ծառայության գինը և վճարման կարգը,
• պայմանագրի գործողության ժամկետը,
• պատասխանատվության պայմանները,
• վեճերի լուծման կարգը,
• կողմերի ստորագրությունները։

Ծառայության գինը որոշվում է կողմերի փոխադարձ համաձայնությամբ: Այն կարող է լինել․

• ֆիքսված գումար ողջ ծառայության համար,
• ժամավճարային դրույքաչափ,
• փուլային վճարում՝ ըստ կատարված աշխատանքների,
• պարբերական վճարում՝ ամսական, եռամսյակային կամ այլ։

Պայմանագիրը կարող է կնքվել․

• որոշակի ժամկետով (օրինակ՝ 1 տարի),
• անորոշ ժամկետով (մինչև կողմերից մեկի դադարեցումը),
• մինչև կոնկրետ առաջադրանքի կատարումը։

Փորձաշրջան չի սահմանվում, եթե աշխատանքի են ընդունվում․

• 18 տարին չլրացած անձինք,
• ընտրովի պաշտոն զբաղեցնողները (քաղաքացիական պաշտոններ, օրինակ՝ դատավորներ, դատախազներ),
• պաշտոնի նշանակման համար որակավորման քննություններ հանձնած անձինք,
• գործատուի մոտ կամ գործատուի նախաձեռնությամբ այլ վայրում ուսուցում անցած անձինք,
• գործատուի համաձայնությամբ այլ աշխատանքի տեղափոխվող անձինք։

Այո՛։ Աշխատանքային պայմանագիրը կարող է լուծվել փորձաշրջանի ընթացքում, եթե գործատուն փորձաշրջանի ընթացիկ արդյունքներով գնահատում է, որ աշխատողը չի համապատասխանում իր պահանջներին։ Աշխատողն էլ իր հերթին կարող է լուծել աշխատանքային պայմանագիրը, եթե գործատուն կամ տվյալ աշխատանքը չի համապատասխանում իր սպասելիքներին։

Թե՛ գործատուն, թե՛ աշխատողը պարտավոր են աշխատանքային պայմանագիրը լուծելուց 3 օր առաջ գրավոր ծանուցել դրա մասին։

Այո՛, գործատուն իրավունք ունի թույլ չտալ աշխատողին կատարել իր աշխատանքային պարտականությունները և նույնիսկ չվճարել աշխատավարձ, եթե աշխատողը գտնվել է ոգելից խմիչքների, թմրամիջոցների կամ հոգեմետ նյութերի ազդեցության տակ։ 

Աշխատանքի չթույլատրելու ժամանակահատվածը լրանալուց հետո աշխատողը կարող է վերադառնալ աշխատանքի այն դեպքում, եթե այդ ընթացքում աշխատանքային պայմանագրի լուծման հիմքեր չեն առաջացել: 

Աշխատողը իրավունք ունի պահանջելու վնասների հատուցում, եթե գործատուն անհիմն կերպով նրան թույլ չի տվել աշխատել:

Հայաստանում նվազագույն ամսական աշխատավարձը (ներառյալ հարկերը) 75,000 դրամ է։

Այո՛, գործատուն կարող է աշխատավարձից պահումներ կատարել, եթե․

• աշխատավարձի սխալ հաշվարկ է տեղի ունեցել, և գործատուն ավել է վճարել աշխատողին,
• գործուղման կամ այլ աշխատանքի տեղափոխվելիս ավել կանխավճար է տրվել,
• աշխատողը վնասել է գործատուի գույքը կամ այլ վնաս է պատճառել։
  
  

Ընդ որում՝ պահումները չեն կարող գերազանցել աշխատողի 1 ամսվա աշխատավարձի 50 տոկոսը։

Արտաժամյա աշխատանքը թույլատրվում է, եթե․

• կատարվում են արտակարգ դեպքերի, պատահարների, բնական աղետների, վթարների և նմանատիպ դեպքերի կանխարգելիչ աշխատանքներ,
• անհրաժեշտ է ավարտել աշխատանքը, քանի որ դադարի դեպքում կարող է առաջանալ աշխատանքային նյութերի, սարքավորումների անսարքություն,
• պարտադիր պետք է փոխարինել այն աշխատակցին, ում բացակայությունը կարող է հանգեցնել աշխատանքի խաթարման։

Արտաժամյա աշխատանքը չի թույլատրվում․

• մինչև 18 տարեկան աշխատողներին,
• հանրակրթական և մասնագիտական դպրոցներում սովորող աշխատողներին,
• վտանգավոր պայմաններում աշխատողներին,
• հղի կանանց և մինչև 1 տարեկան երեխային խնամող աշխատողներին։

Արտաժամյա աշխատանքը իրար հաջորդող 2 օրերի ընթացքում չպետք է գերազանցի 4 ժամը, իսկ տարվա ընթացքում՝ 180 ժամը։

Աշխատողը կարող է իր նախաձեռնությամբ լուծել աշխատանքային պայմանագիրը։ Նա առնվազն 30 օր առաջ պետք է ծանուցի այդ մասին գործատուին։

Եթե աշխատողը ունի առողջական խնդիրներ, կամ գործատուն չի կատարում աշխատանքային պայմանագրով նախատեսված իր պարտավորությունները, ապա աշխատողը իրավունք ունի ծանուցումը ներկայացնելու առնվազն 5 օր առաջ։

Գործատուն պարտավոր է աշխատանքային պայմանագիրը լուծելուց առնվազն 2 ամիս առաջ ծանուցել աշխատողին։ Սակայն որոշ դեպքերում ծանուցման ժամկետները փոխվում են հետևյալ կերպ․

• մինչև 1 տարի աշխատելու դեպքում՝ առնվազն 14 օր առաջ,
• 1-5 տարի աշխատելու դեպքում՝ 35 օր առաջ,
• 5-10 տարի աշխատելու դեպքում՝ 42 օր առաջ,
• 10-15 տարի աշխատելու դեպքում՝ 49 օր առաջ,
• 15 տարի և ավելի տարի աշխատելու դեպքում՝ 60 օր առաջ։

Ընդ որում՝ ծանուցումն ուշացնելու յուրաքանչյուր օրվա համար գործատուն պարտավոր է աշխատողին վճարել տույժ աշխատողի միջին օրական աշխատավարձի չափով։

Գործատուն իրավունք ունի լուծելու աշխատանքային պայմանագիրը, եթե․

• լուծարվել է կազմակերպությունը,
• կրճատվել է հաստիքը,
• աշխատողը չի համապատասխանում զբաղեցրած պաշտոնին կամ կատարած աշխատանքին,
• աշխատողը վերականգնվել է նախորդ աշխատավայրում,
• աշխատողը պարբերաբար չի կատարել ներքին կարգապահական կանոնները,
• գործատուն կորցրել է վստահությունը աշխատողի նկատմամբ,
• աշխատողի երկարատև անաշխատունակության դեպքում (եթե աշխատողը ավելի քան 120 օր անընդմեջ աշխատանքի չի ներկայացել),
• աշխատողը ոգելից խմիչքների, թմրամիջոցների ազդեցության տակ է եղել աշխատավայրում,
• աշխատողը անհարգելի պատճառով մի ամբողջ աշխատանքային օր աշխատանքի չի ներկայացել,
• աշխատողը հրաժարվել է անցնել պարտադիր բժշկական զննություն,
• աշխատողը ստացել է կարգապահական առնվազն 2 նկատողություն,
• աշխատողը ավելի քան 10 աշխատանքային օր անընդմեջ կամ վերջին 3 ամսվա ընթացքում ավելի քան 20 աշխատանքային օր չի կատարել իր աշխատանքային պարտականությունները,
• լրացել է տարիքային կենսաթոշակի իրավունք ունեցող աշխատողի 63 տարին կամ տարիքային կենաթոշակի իրավունք չունեցող աշխատողի 65 տարին (եթե տվյալ կետը նախատեսված է աշխատանքային պայմանագրով),
• կացության կարգավիճակը կորցրել է ուժը կամ անվավեր է ճանաչվել (օտարերկրյա քաղաքացու դեպքում)։

Գործատուն իրավունք չունի լուծելու աշխատանքային պայմանագիրը, եթե աշխատողը․

• ժամանակավոր անաշխատունակության մեջ է,
• արձակուրդում է,
• մայրության արձակուրդում է,
• մինչև 1 տարեկան երեխային խնամքի արձակուրդում է,
• գործադուլ է անում,
• պետական կամ տեղական ինքնակառավարման մարմինների կողմից տրամադրված աշխատանք է իրականացնում,
• չի ներկայացել աշխատանքի արտակարգ դեպքերի կանխարգելման կամ վերացման ժամանակահատվածում (տարերային աղետներ, տեխնոլոգիական վթարներ, համաճարակներ, դժբախտ պատահարներ),
• չի ներկայացել աշխատանքի, եթե ունի մինչև 12 տարեկան երեխա, և ուսումնական հաստատությունները չպլանավորած արձակուրդ են տրամադրել երեխային,
• մասնակցում է մարտական գործողությունների։

Վերջնահաշվարկ չի կատարվում, եթե աշխատողը նույն գործատուի մոտ փոխադրվում է այլ աշխատանքի։